Ishyirahamwe Nyarwanda ry’Umupira w’Amaguru, Ferwafa, ryongeye kwibutsa Abanyamuryango ba ryo ko abifuza kugura no kugurisha abakinnyi, basigaranye iminsi mike yo kubikemura.
Mu gihe shampiyona y’icyiciro cya Mbere ya 2023-2024 yamaze gutangira, amakipe yo aracyemerewe kugura no kugurisha abakinnyi kuko isoko ryo riracyafunguye.
Biteganyijwe ko tariki 28 Kanama 2023, Saa sita z’ijoro ari bwo rizafunga ndetse nta kipe mu Rwanda izaba yemerewe kugura cyangwa kugurisha umukinnyi imbere yo mu Gihugu.
Ferwafa nk’urwego ruyobora umupira w’amaguru mu Rwanda, yibukije amakipe ko nyuma y’itariki ya 28 Kanama, nta kipe izarenga kuri aya mabwiriza.
HABIMANA SADI/UMUSEKE.RW