Komite y’Igihugu y’Imikino y’Abafite Ubumuga, NPC, ifatanyije n’umutoza Tuyishimire Étienne, yatangaje abakinnyi 12 bazifashishwa mu gikombe cya Afurika cy’Abakina umupira w’Amaguru w’Abafite Ubumuga, Amputee Football.
Nyuma y’imyitozo yari imaze ibyumweru birenga bibiri, mu ijoro ryo kuri uyu wa Gatanu ni bwo u Rwanda ruza kwerekeza muri Ghana mu gikombe cya Afurika cy’umupira w’amaguru w’Abafite Ubumuga, African Para Games 2023.
Abakinnyi 12 ni bo bagomba kujya guhagararira u Rwanda. Barimo Gatete Fidèle (kapiteni), Byiringiro Placide, Ayinzira Hamidu, Cyuzuzo Innocent, Bagaragaza Oreste, Kubwimana Félix, Ndahiro Jean Claude, Ndayisenga Jean Claude, Uwiringiyimana Isaac, Twagirimana Théoneste, Ntambara Jean Paul, Imanirutabyose Patrick.
Umuyobozi wa Siporo muri Minisiteri ya Siporo, Ngarambe Rwego, yabanje guha ibendera ikipe y’Igihugu ya Amputee Football yari iri kumwe n’Umuyobozi wa NPC, Murema Jean Baptiste.
Irushanwa rya African Para Games 2023, biteganyijwe ko rizakinwa tariki 3-12 Nzeri 2023.
HABIMANA SADI/UMUSEKE.RW
