Ubuyobozi bw’ikipe ya REG Basketball Club, bwatangaje ko iyi kipe yamaze kugura abakinnyi bashya barimo uwavuye muri IPRC-Huye Basketball Club n’uwavuye muri APR Basketball Club.
Mbere y’uko umwaka w’imikino 2024-2025 muri Basketball utangira, amakipe akomeje kwitegura mu mpande zose.
Imwe mu zikomeje kwiyubaka, ni ikipe ya REG BBC izatozwa na Mushumba Charles wasinye amasezerano y’imyaka itatu.
Ubuyobozi bw’iyi kipe ya Sosiyete Ishinzwe Ingufu n’Amashanyarazi (REG) burangajwe imbere na Ntwali Joseph, bwemeje ko Nkusi Arnaud wakiniraga APR BBC na Bugingo Kabare wakiniraga IPRC-Huye, ari abakinnyi bashya b’iyi kipe mu myaka ibiri iri imbere.
Uretse REG BBC, izindi kipe zirimo APR BBC zikomeje kwitegura neza umwaka mushya w’imikino.
HABIMANA SADI/UMUSEKE.RW
