Muri Kenya abantu 15 bapfuye abandi barakomereka mu mpanuka y’imodoka yabaye mu gitondo cyo ku wa kabiri tariki ya 8 Mutarama 2024.
Muri abo harimo abantu bakuru umunani (8) , abana 7 muri bo harimo abakobwa batanu .Bivugwa ko abantu 38 bakomerekeye muri iyi mpanuka.
Polisi ya Kenya ivuga ko iyi mpanuka yabereye ahazwi nka Twin Bridge, ku muhanda wa Nakuru-Eldoret,mu burengerazuba bwa Kenya.
Polisi ivuga ko “Iyi mpanuka yabaye ubwo bus izwi nka Classic Kings ya Congo n’imodoka yo mu bwoko bwa Hiace izwi nka Matatu muri Kenya,zagongana.”
Polisi yongeyeho ko yatewe no kuba imwe muri izi modoka yashaka kurengana iyindi.
Ubwo iyo mpanuka yabaga, 15 bahise bahasiga ubuzima ako kanya, abandi bakomeretse bihutanwa ku Bitaro bya Molo.
Polisi ivuga ko ku wa mbere nabwo abantu bane (4) bari bapfiriye mu mpanuka y’imodoka ya Hiace izwi nka Matatu.
Bimwe mu binyamakuru byo muri Kenya bivuga ko ako karere ka Twin Bridge gakunze kuberamwo impanuka nk’izi.
Imodoka ya Classic Kings ikora ingendo hagati y’imijyi ya Nairobi, Kampala, Butembo, Goma n’ahandi.
- Advertisement -
Raporo igaragaza ko muri Kenya abantu 3500 bicwa n’impanuka buri mwaka.
UMUSEKE.RW