Itsinda ry’abakunzi b’ikipe ya Kiyovu Sports rya Green Brigade Fanclub, bifatanyije n’abanya-Rubavu mu Muganda wo kuri uyu wa Gatandatu.
Aba bakunzi b’Urucaca bo muri Green Brigade Fanclub, baraye bageze mu Karere ka Rubavu mu ijoro rya tariki ya 23 Gashyantare 2024.
Mu byatumye barara i Rubavu, harimo gahunda yo kuhakorera Umuganda wo kuri uyu wa Gatandatu.
Mu gitondo cy’uyu munsi, ni bwo aba bakunzi ba Kiyovu Sports bazindukiye mu Murenge wa Gisenyi, Akagari ka Mbugangari, bahakorera Umuganda Ngarukakwezi usoza ukwezi kwa Gashyantare.
Mu minsi ishize, ubuyobozi bwa Kiyovu Sports bwahembye iri tsinda rya Green Brigade, cyane ko ari itsinda ritajya ricika intege mu bikorwa byose by’ikipe bihebeye.
Urucaca rurakina na Marines FC Saa Cyenda z’amanywa kuri Stade Umuganda, mu mukino w’umunsi wa 22 wa shampiyona.
HABIMANA SADI/UMUSEKE.RW
