Ku rutonde rw’abasifuzi bazayobora imikino y’umunsi wa 22 ya shampiyona y’Icyiciro cya mbere mu mupira w’amaguru mu bagabo, hariho abasifuzi mpuzamahanga 11.
Imikino y’umunsi wa 22 ya shampiyona, izakinwa tariki 23,24,25 Gashyantare 2024. Abazayiyobora bamaze kumenyeshwa na Komisiyo Ishinzwe Abasifuzi mu Rwanda.
Umukino wa Rayon Sports na Musanze FC uzakinwa ku wa Gatanu tariki 23 Gashyantare Saa kumi n’ebyiri z’ijoro kuri Kigali Pelé Stadium, uzayoborwa n’umusifuzi Mpuzamahanga, Ruzindana Nsoro uzaba ari hagati mu kibuga, Intwali Alain Vicky azaba ari umwungiriza wa mbere, Maniragaba Valery azaba ari umwungiriza wa Kabiri mu gihe Nkurunziza Dieudonné azaba ari umusifuzi wa Kane.
Ku wa Gatandatu tariki ya 24 Gashyantare 2024, hateganyijwe imikino ine.
Amagaju FC vs Gasogi United: Uyu mukino uzaba Saa Cyenda z’amanywa kuri Stade Mpuzamahanga ya Huye. Wahawe Ngaboyisonga Patrick uzaba ari hagati mu kibuga, Mugabo Eric usanzwe ari Mpuzamahanga azaba ari umwungiriza wa mbere, Habumugisha Emmanuel azaba ari umwungiriza wa Kabiri mu gihe Kayitare David azaba ari umusifuzi wa Kane.
Muhazi United vs Étoile de l’Est: Uyu mukino w’amakipe yo mu Ntara imwe uzakinwa Saa Cyenda z’amanywa kuri Stade ya Ngoma. Wahawe Nsabimana Céléstin uzaba ari hagati mu kibuga, Umutesi Alice usanzwe ari Mpuzamahanga azaba ari umwungiriza wa mbere, Ndagijimana Peace Eric azaba ari umwungiriza wa Kabiri mu gihe Dushimimana Eric azaba ari umusifuzi wa Kane.
Marines FC vs Kiyovu Sports: Uyu mukino uzabera kuri Stade Umuganda Saa Cyenda z’amanywa. Wahawe umusifuzi Mpuzamahanga, Uwikunda Samuel uzaba ari hagati mu kibuga, Mutuyimana Dieudonné usanzwe ari Mpuzamahanga, azaba ari umwungiriza wa mbere, Akimana Juliette usanzwe ari Mpuzamahanga, azaba ari umwungiriza wa Kabiri mu gihe Mukiza Patrick azaba ari umusifuzi wa Kane.
Police FC vs AS Kigali: Uyu mukino uzabera kuri Kigali Pelé Stadium Saa Cyenda z’amanywa. Wahawe umusifuzi Mpuzamahanga, Twagirumukiza AbdulKarim uzaba ari hagati mu kibuga, Safari Hamiss azaba ari umwungiriza wa mbere, Jabo Aristote azaba ari umwungiriza wa Kabiri mu gihe Akingeneye Hicham azaba ari umusifuzi wa Kane.
Ku Cyumweru tariki ya 25 Gashyantare 2024, hateganyijwe imikino itatu.
- Advertisement -
Mukura VS vs APR FC: Ni umukino uzabera kuri Stade Mpuzamahanga ya Huye Saa Cyenda z’amanywa. Uyu mukino wahawe Nizeyimana Is’haq uzaba ari hagati mu kibuga, Ishimwe Didier usanzwe ari Mpuzamahanga, azaba ari umwungiriza wa mbere, Ndayishimiye Bienvenu azaba ari umwungiriza wa Kabiri mu gihe Ugirashebuja Ibrahim azaba ari umusifuzi wa Kane.
Gorilla FC vs Bugesera FC: Uyu mukino uzabera kuri Kigali Pelé Stadium Saa Cyenda z’amanywa. Wahawe umusifuzi Mpuzamahanga, Rulisa Patience uzaba ari hagati mu kibuga, Nsabimana EV Thierry azaba ari umwungiriza wa mbere, Karemera Tonny azaba ari umwungiriza wa Kabiri mu gihe Nshimyumuremyi Abdallah azaba ari umusifuzi wa Kane.
Etincelles FC vs Sunrise FC: Uyu mukino uzabera kuri Stade Umuganda Saa Cyenda z’amanywa. Uzayoborwa n’umusifuzi Mpuzamahanga, Umutoni Aline uzaba ari hagati, Ndayisaba Said usanzwe ari Mpuzamahanga azaba ari umwungiriza wa mbere, Mukirisitu azaba ari umwungiriza wa Kabiri mu gihe Nkinzingabo JMV azaba ari umusifuzi wa Kane.
HABIMANA SADI/UMUSEKE.RW