Umutwe wa Alliance Fleuve Congo, AFC/M23 wafashe umupaka wa Ishasha, uhuza Congo na Uganda.
Ni agace kari muri Gurupema ya Binza, kuri km 60 uvuye muri Rutshuru-Centre.
Ku cyumweru nibwo inyeshyamba za M23 zafashe kariya gace. Radio Okapi ivuga ko hari habanje kuba imirwano mu gitondo ibera ahitwa Buganza kuri km 12 uvuye i Ishasha.
Iyo mirwano yashyamiranyije AFC/M23 n’urubyiruko rwa Wazalendo.
Radio Okapi ivuga ko agace ka Ishasha kafashwe nta mirwano ihabereye n’uko byagenze ku wa Gtandatu, AFC/M23 ifata agace ka Nyamilima.
Abakozi ba Leta, abapolisi, abashinzwe ubutasi na bamwe mu baturage bahungiye muri Uganda ubwo AFC/M23 yari igeze mu gace ka Nyamilima.
Igisirikare cya Congo ntacyo cyavuze kuri iri fatwa rya Ishasha. Utu duce dufashwe mu gihe kuri iki cyumweru hatangiye kubahirizwa agahenge k’imirwano kemejwe i Luanda ubwo intumwa za Congo zahuraga n’iz’u Rwanda.
ISESENGURA
- Advertisement -
UMUSEKE.RW
