Ishyirahamwe ry’Umupira w’Amaguru muri Afurika y’Epfo (SAFA), ryafatiye ibihano ikipe ya Kaizer Chiefs nyuma y’imyitwarire mibi yagaragaye ku bafana ba yo.
Tariki ya 2 Ugushyingo 2024, ni bwo ikipe ya Mamelodi Sundowns yatsinze Kaizer Chiefs ibitego 4-0 mu mukino wa shampiyona.
Abafana ba Kaizer Chiefs ntibabashije kwihanganira ibyavuye muri uyu mukino, ndetse bamwe binjiye mu kibuga bateza akavuyo karimo no gusagarira umunyezamu, Ntwari Fiacre.
Nyuma y’uyu mukino, habayeho iperereza ku byabaye, ndetse biza kurangira SAFA ihannye Kaizer Chiefs kubera imyitwarire y’aba bafana ba yo.
Iyi kipe yaciwe amande yo gutanga ama-Rand angana n’ibihumbi 150 akoreshwa muri Afurika y’Epfo (angana na miliyoni 11254710 Frw).
Gusa n’ubwo iyi kipe yahanwe, yari yandikiye Ishyirahamwe ry’Umupira w’Amaguru iwabo, isaba imbabazi ku byabaye.
UMUSEKE.RW
