Inama idasanzwe ihuza abakuru b’ibihugu b’Umuryango wa Afurika y’Iburasirazuba (EAC) n’Umuryango wa Afurika y’Amajyepfo (SADC), yabereye Dar es Salaam muri Tanzania yafashe imyanzuro itandukanye irimo ko abahanganye muri Congo bahagarika imirwano ndetse umutwe wa M23 ukagira uruhare mu biganiro bihujwe bya Luanda na Nairobi .
Iyi nama yitabiriwe n’abakuru b’ibihugu batandukanye barimo u Rwanda , Tanzania, Uganda ,Kenya somalie . U Burundi na Congo boherejeyo intumwa.
Ni mu gihe muri SADC yitabiriye na Zimbabwe,Afurika y’Epfo, Zambia, ibindi bihugu byohereza intumwa.
Perezida wa Repubulika Iharanira Demokarasi ya Congo, Félix Tshisekedi, na Evaliste Ndayishimiye ntibirabiriye iyi nama imbonankubone.
Imyanzuro yafashwe mu nama
Muri iyi nama ya SADC na EAC yiga ku mutekano mucye wa Congo yabaye kuri uyu wa Gatandatu tariki ya 8 Gashyantare 2025, yavuze ko ikibazo cy’umutekano mucye uri muri DRCongo gihangayikishije ndetse nibikorwa byibasira ikiremwamuntu biri muri icyo gihugu birimo kwibasira abagore n’abana.
Iyi nama kandi yihanganishije imiryango y’ababuriye ubuzima mu ntambara igisirikare cya Leta gihanyemo na M23 ndetse ivuga ko abakomerekeyemo bazakira vuba.
Muri iyi nama y’itabiriwe na’abakuru b’ibihugu bya EAC na SADC, banenze ibikorwa byo kwigaragambya byakorewe za ambasade i Kinshasa ndetse n’abagiye mu bikorwa byo kugarura amahoro muri Congo barimo na MONUSCO n’abandi, inenga leta ya Congo kuba itararinze abaturage .
Impande zihanganye muri Congo zasabwe guhagarika imirwano “ ako kanya ndetse hakarebwa uko Goma n’ibindi bice biyikikije byabona umutekano, gufungura ikibuga cy’indege cya Goma .”
- Advertisement -
Umwanzuro wa 14 w’iyi nama ivuga ko “ Umutwe wa M23 waza mu biganiro bya Nairobi na Luanda .”
Abakuru b’ibihugu basabye kandi ko “ Hanozwa umugambi wo gusenya inyeshyamba za FDRL kandi u Rwanda rugakuraho ingamba z’ubwirinzi rwashyizeho.”
ISESENGURA KU MYANZURO YAFASHWE
KAGAME yagize icyo atangaza
Perezida Kagame muri iyi nama yavuze ko u Rwanda rudateze guceceka ndetse RDC n’abandi badateze kurucecekesha mu gihe umutekano warwo ugeramiwe.
Umukuru w’Igihugu yavuze ko u Rwanda rwagaragaje mu bihe bitandukanye ibirubangamiye kandi badashobora kubiceceka.
Ati “Repubulika Iharanira Demokarasi ya Congo ntishobora kuducecekesha mu gihe hari ibibazo by’umutekano bibangamiye igihugu cyacu. Nta muntu n’umwe uzaducecekesha.”
“Twamaze igihe kinini twinginga RDC n’abayobozi bayo, twagaragaje ibibazo, twasabye RDC kubikemura, barabyanze. Ntituzagire indi nama imeze nk’izo twagize.”
Umukuru w’Igihugu yongeye gushimangira ko intambara yatangijwe na RDC, ko nta hantu na hamwe u Rwanda ruhurira nayo.
Iyi nama ya SADC na EAC ibaye mu gihe umutwe wa M23 ufite Goma n’ibindi bice wamaze gushyiraho ubutegetsi muri Kivu ya Ruguru.
Ntibizwi niba koko ibyo M23 isaba birimo kwemerwa ibiganiro na Congo ko bizubahirizwa.
Leta ya Congo ishinja u Rwanda gushyigikira umutwe wa M23 ndetse ikavuga ko hari ingabo z’u Rwanda ziri muri iki gihugu.
Icyakora uyu mutwe ndetse n’u Rwanda barabihakana cyakora rukavuga ko ” rwashyizeho ingamba z’ubwirinzi” ku mipaka uyihuza na Congo.
Hafashwe imyanzuro itandukanye muri iyi nama
UMUSEKE.RW
