Mu mikino yabimburiye iyindi mu irushanwa rya “Esperance Football Tournament 2025”, haranzwe ko kurumbuka kw’ibitego mu mikino ibiri yabaye.
Kuri uyu wa Gatandatu, ni bwo hatangijwe ku mugaragaro irushanwa byiteze ko rizafasha abakinnyi mu buryo butandukanye, yaba abashaka kwigaragaza bagashaka amakipe cyangwa abakeneye kuguma mu bihe byiza.
Iri rushanwa ryiswe “Esperance Football Tournament”, ryayteguwe n’umusifuzi mpuzamahanga, Ishimwe Jean Claude ‘Cucuri’, ryitabiriwe n’amakipe 19 mu gihe imwe yikuyemo ku munota wa nyuma.
Kimwe mu byaranze imikino ibiri yabaye kuri uyu wa Gatandatu yabimburiye indi y’umunsi wa mbere, ni ibitego byinshi byinjijwe ndetse no kwitwara neza ku bakinnyi basanzwe bazwi muri shampiyona y’icyiciro cya mbere n’icya Kabiri mu Rwanda.
Umukino wabaye Saa saba z’amanywa, warangiye Native Sports itsinze Travel Line ibitego 4-1 harimo bibiri byatsinzwe na Nshimiyimana Yunussu, kimwe cya Nshuti Kevin na kimwe cyatsinzwe na David mu gihe Golden Generation yatsinze Dream Team ibitego 4-0. Bivuze ngo muri iyi mikino ibiri habonetsemo ibitego icyenda.
Abakinnyi bahembwe nyuma yo kwitwara neza mu mikino kurusha abanda, ni Salim Saleh wa Golden Generation na Nshimiyimana Yunuss kapiteni wa Native Sports.
Abakinnyi bahembwe nyuma yo kwitwara neza mu mikino kurusha abanda, ni Salim Saleh wa Golden Generation na Nshimiyimana Yunuss kapiteni wa Native Spirts.
Ejo hateganyijwe indi mikino itatu:
Spark Victor vs All Star (10h)
We Never Know vs Santos FC (13h)
Zone FC vs Start Morning (15h30)
Imikino yose yo mu majonjora, biteganyijwe ko izabera ku kibuga cya tapis rouge i Nyamirambo mu gihe iya 1/4 biteganyijwe ko izabera muri Kigali Pele Stadimu.
UMUSEKE.RW
