UPDATE: Ishami ry’Urwego rw’Ubugenzacyaha rishinzwe kugenza ibyaha (RIB scene crime investigation) ryafashe ibimenyetso bya gihanga by’ibanze ku murambo wa nyakwigendera, nyuma umurambo ujyanwa ku Bitaro bya Bushenge kugira ngo hafatwe ibindi bimenyetso bisigaye iperereza rirakomeje.
Mu mu mugugudu wa Buhinga, akagari ka Buvungira mu Murenge wa Bushekeri mu Karere ka Nyamasheke umugabo yasanzwe anagana mu mugozi mu giti yapfuye, bikekwa ko yiyahuye.
Nyakwigendera yitwa Vuganeza Jean Damascene w’imyaka 46 y’amavuko, asize umugore w’imyaka 42 y’amavuko n’abana 8.
Abaturage basanze anagana mu giti yashizemo umwuka.
Ubwo twakoraga iyi nkuru Ubuyobozi bw’Umurenge wa Bushekeri bwavuze ko amakuru buyazi ariko ko buri kujya aho byabereye, ndetse n’abakozi b’Urwego rw’Ubugenzacyaha (RIB) bagiyeyo mu rwego rwo gukora iperereza.
Munezero Yvan uyobora Umurenge wa Bushekeri yagize ati “Ayo makuru turayazi n’ubu niho ndi kugana twari dutegereje ko RIB na yo ihagera.”
REBA YouTube Channel UMUSEKE TV video nziza nk’iyi. UKORA LIKE SHARE na COMMENT
- Advertisement -
MUHIRE Donatien / UMUSEKE.RW i Nyamasheke
