Biashara United yo muri Tanzania yatewe mpaga mu mikino yose ya CAF nyuma yo kunanirwa kujya gukina umukino wo kwishyura yari ifitanye na Al Ahly Tripoli kubera icyibazo cyo kubura itike y’indege.
Ishyirahamwe ry’umupira w’amaguru muri Afurika, CAF ryategetse ko iyi kipe itewe mpaga ihagarikwa mu mikino ya CAF imyaka ibiri, ndetse icibwa ibihumbi 20 by’amadolari.
Ishyirahamwe ry’umupira w’amaguru muri Tanzania TFF ryahise ryandikira CAF rivuga ko uyu mukino wakwigizwa inyuma, gusa babitangaje ikipe yamaze guterwa mpaga.
Umukino ubanza wabereye muri Tanzania tariki 15 Ukwakira, 2021, Biashara United yari yatsinze Al Ahly Tripoli ibitego 2-0.
Kwishyira byari biteganyijwe ku wa Gatandatu tariki 23 Ukwakira, 2021 ari bwo ikipe yabuze ku kibuga iterwa mpaga, Al Ahly Tripoli ihabwa amanota atatu ndetse ni yo izakomeza mu kindi cyiciro.
Ukeneye kwamamaza! Gusobanuza! Gutanga amakuru? Hamagara 0788772818
UMUSEKE.RW
