Abasifuzi b’umukino wa Rayon Sports na APR FC bamenyekanye

Harabura amasaha 24 APR FC na Rayon Sports zigacakirana mu mukino w’abakeba, Umusifuzi mpuzamahanga, Ruzindana Nsoro ni we uzawuyobora.

Uyu mukino uteganyijwe ku munsi ku wa Kabiri tariki ya 23 Ugushyingo 2021, muri Stade ya Kigali ku isaha ya saa 15:00’.

Ruzindana  Nsoro ni umusifuzi wa mbere, ku ruhande hazaba hasifura Karangwa Justin, na Simba Honore, n’aho umusifuzi wa 4 azaba ari Hakizimana Louis.

Kwinjira kuri uyu mukino kandi, ni amafaranga y’u Rwanda ibihumbi 20, ibihumbi 15, ibihumbi 5 ndetse n’igihumbi ahasigaye hose.

Rayon Sports ku rutonde ni iya kabiri ifite amanota 7 inyuma ya As Kigali ifite amanota 9, mu gihe APR FC ari iya kane n’amanota 6 ikurikiye Gasogi United 3 ifite nay o amanota 7.

Iyi Shampiyona igeze ku mukino wa 4 APR FC ifite ikirarane.

Mbere y’umukino hari habayeho impaka ubwo APR FC yasabaga ko umukino usubikwa kubera ko tariki 28 Ugushyingo, 2021 ifite umukino nyafurika n’ikipe ya RS Berkane yo muri Maroc.

https://p3g.7a0.myftpupload.com/ferwafa-yasubije-apr-fc-ko-umukino-wayo-na-rayon-sports-utazasubikwa.html

UMUSEKE.RW