Bruce Melodie ari Kinshasa muri Repubulika ya Demokarasi ya Congo aho ari gukorana indirimbo na Innocent Balume umaze kubaka izina muri Afurika ku mazina ya Innoss’B.
Umwe mu bantu ba hafi b’uyu muhanzi, yabwiye UMUSEKE ko amashusho y’indirimbo aba bahanzi bombi bakoranye azafatirwa i Gombe muri Kinshasa.
Amakuru ahari agahamya ko umushinga w’indirimbo aba bombi barimo urangira vuba.
Bruce Melodie afite ibiganiro mu bitangazamakuru bitandukanye bikomeye muri Congo Kinshasa.
Innoss’B uri gukorana na Bruce Melodie aherutse gushyira hanze indirimbo nshya yise “Naomi Campbel” iri kubica bigacika.
Kuwa 08 Gicurasi 2022, Innoss’B afite igitaramo gikomeye azamurika albumu “Mortel-06” kizabera ku kibuga cya GD Lemba.
Uyu Mwami wa Afrocongo ukunda kwiyita Tigre, ni umusore ukomoka muri Kivu y’Amajyaruguru mu Mujyi wa Goma uhana imbibi na Gisenyi.
Azwi mu ndirimbo yakoranye n’ibyamamare nka Akon, Fally Ipupa, Diamond Platnumz, Mayorkoun n’abandi.
Bruce Melodie yaherukaga gushyira hanze indirimbo ku wa 04 Werurwe 2022. Iyi ndirimbo yise ‘Totally Crazy’ yakoranye na Harmonize iri mu ndirimbo z’uyu muhanzi zitatanze umusaruro nk’uko byari byitezwe na benshi.
- Advertisement -
Biteganijwe ko indirimbo Bruce Melodie ari gukorana na Innoss’B azayiririmba mu bitaramo azakorera mu bihugu bya Sweden na Norway ku mugabane w’Uburayi mu kwezi gutaha.
Indirimbo Mortel-06 yitiriye Albumu ye nshya
Indirimbo Naomi Campbell Innoss’B aheruka gusohora
