Urukuta rw’ahateganywa gushyirwa sitasiyo ya lisansi yubakwaga rwagwiriye abantu bane, umwe arapfa abandi batatu barakomereka.
Ibi byabaye mu gitondo cyo kuri uyu wa Kabiri tariki ya 16 Mutarama 2024, mu kagari ka Kanazi mu Murenge wa Ruharambuga.
Ubuyobozi bw’Akarere ka Nyamasheke bwemereye UMUSEKE ko iyi mpanuka yabaye.
Umuyobozi w’akarere ka Nyamasheke, Mupenzi Narcisse yagize ati “Byabaye ahagana saa yine . Ni inyubako yateganywaga kuzashyirwamo sitasiyo yagwiriye abantu bane, batatu bakomeretse umwe witwa Nsengumuremyi Faustin twamukuyemo yahatakarije ubuzima“.
Mayor Mupenzi yavuze ko icyateye iyo mpanuka kitaramenyekana ko urwo rw’igihugu rw’ubugenza RIB ruracyari gukora iperereza ngo harebwe icyayiteye.
Ati”Ntabwo turamenya icyateye impanuka urwego rw’igihugu rw’ubugenza ruracyakora iperereza ngo icya cya yiteye“.
Mu butumw uyu muyobozi yatanze yasabye abubaka kurebako bikurikiza ibipimo bikwiye.
Abakomeretse bajyanywe ku kigo nderabuzima cya Kamonyi,umurambo wa Nyakwigendera yajyanywe mu buruhukiro bw’ibitaro bya Bushenge.
MUHIRE Donatien UMUSEKE .RW/Nyamasheke.
- Advertisement -
