Nyuma y’ibibazo by’amikoro yabanje kurwana na byo, ikipe ya AS Kigali yatangiye imyitozo kuri uyu wa Kabiri ku kibuga cya Tapis rouge.
Ni imyitozo yayobowe n’abatoza bungirije barimo Mbarushimana Shaban na Guy Bakila. Abakinnyi 21 barimo abashya, ni bo batangiye akazi muri iyi kipe iterwa inkunga n’Umujyi wa Kigali.
Abashya barimo ni: Nkubana Marc, Mucyo Didier Junior, Ngendahimana Eric, Hoziyana Kennedy, Hakizimana Félicien, Kayitaba Bosco, Nshimiyimana Tharcisse, Onyeabor Franklin.
Bamwe mu bandi bari baje mu myitozo ariko batakoranye n’iyi kipe, ni rutahizamu, Sugira Ernest wigeze gukinira iyi kipe.
Undi mukinnyi bivugwa ko azakinira iyi kipe mu gihe kingana n’umwaka 2024-25, ni myugariro, Rwabuhihi Placide wakiniraga APR FC.
Abarimo kapiteni, Bishira Latif, Itangishaka Blaise na Rafael Osaluwe, ntibakoranye imyitozo na bagenzi ba bo.
Amakuru UMUSEKE wamenye, avuga ko AS Kigali izakoresha Ingengo y’Imari ingana na miliyoni 350 Frw muri uyu mwaka w’imikino 2024-25.
UMUSEKE.RW
