Imirwano hagati y’umutwe wa M23 n’igisirikare cya Congo , yakomeje ku cyumweru tariki ya 12 Mutarama 2024, yerekeza Goma.
Iyi mirwano iri kubera muri teritwari ya Masisi muri Nyiragongo hafi ya Pariki ya Virunga mu Ntara ya Kivu ya Ruguru.
Uhagarariye sosiyete sivite muri Nyiragongo yabwiye Ikinyamakuru Actualite, ko iyi mirwano yo ku cyumweru yatangiye mu masaha ya mu gitondo ahagana saa kumi n’ebyiriri (6h00).
Uyu avuga ko imirwano yabereye mu misozi yo muri gurupema ya Mupfuni Shanga, mu mujyi wa Ngungu yerekeza Kasake,Ruzirantaka,Kamatane ,Kabingo,Bitaata na Rwangara.
Amakuru avuga ko imirwano yo kuwa Gatandatu tariki ya 11 Mutarama 2025, yabereye Mushaki.
Umutwe wa M23 warwana werekeza Kagano, Lukala, Humure na Mafunzi.
Umwe mu baturage uwegereye mu gace kaberayo imirwano yabwiye Mama Urwagasabo TV yasobanuye ko imirwano yo mu gitondo ,umutwe wa M23 ushaka kwerekeza i Goma.
Ati “ Imirwano yatangiriye mu kirunga hejuru (Nyiragongo), iramanuka ijya Kanyamahoro, aho hose baharwaniye, nta n’umwe uratsimbura undi .”
Umutwe wa M23 ukomeje imirwano mu gihe usaba leta ibiganiro kugira ngo iyi mirwano ihagarara. Leta ya Congo yo ivuga ko idashobora kuganira n’umutwe w’iterabwoba.
- Advertisement -
UMUSEKE.RW
