Ikipe y’Ingabo, yemeje ko yatije abakinnyi babiri barimo Kategaya Elia, kubera kutabona umwanya uhagije wo gukina.
Ni abakinnyi byemejwe ko batijwe kuri uyu wa Gatanu. APR FC yemeje ko yatije Kategaya Elia muri Vision FC na Ishimwe Jean René watijwe muri Marines FC. Aba bombi batijwe igihe cy’amezi atandatu.
Babicishije ku rukuta rwa bo rwa X yahoze yitwa Twitter, bemeje ko aba bakinnyi bombi bamaze gutizwa.
Bati “Kategaya Elia na Ishimwe Jean René batijwe mu makipe ya Vision na Marine FC mu gihe cy’amezi atandatu asigaye ngo uyu mwaka w’imikino urangire.”
Ishimwe yaje muri APR FC avuye muri Mukura VS n’ubundi yari yamuguze muri Marines FC, ndetse na Kategaya Elia yaje mu ikipe y’Ingabo avuye muri iyi kipe iterwa inkunga n’Akarere ka Huye. Bombi nta bwo babashije kubona umwanya uhagije wo gukina.
UMUSEKE.RW
