Mu mukino w’umunsi wa 20 wa shampiyona wakinwe iminsi ibiri kubera imvura nyinshi, Mukura VS yatsinze Goriila FC ibitego 2-0.
Kuri uyu wa mbere, ni bwo hasojwe imikino y’umunsi wa 20 wa shampiyona, yasojwe n’intsinzi ya Mukura VS yakuye kuri Gorilla FC nyuma yo kuyitsinda ibitego 2-0. Uyu mukino watangiye ku wa 9 Werurwe 2025 hakinwa iminota 60 ariko uhagarikwa n’imvura yari nyinshi i Huye.
Ubwo wahagarikwaga, iyi kipe iterwa inkunga n’Akarere ka Huye, yari yatsinze igitego 1-0 cya Hakizimana Zuber yatsinze ku munota wa 41. Kuri uyu wa mbere, Boatenga Mensah yatsindiye iyi kipe igitego cya Kabiri ku munota wa 64 maze icungana n’iminota yari isigaye kugeza yegukanye intsinzi y’ibitego 2-0.
Kubona aya manota kuri Mukura VS, byayigejeje ku mwanya wa Gatanu n’amanota 30 inganya na Gorilla FC ya kane ariko ikayirusha ibitego ibitego izigamye.
UMUSEKE.RW
