Mu gihe u Rwanda rwitegura kujya mu mikino y’Igikombe cya Afurika cya Handball kizabera mu Rwanda mu ntangiriro z’umwaka utaha, ikipe y’Igihugu y’abagabo, yabonye umutoza mushya ukomoka muri Tunisie, Hafedh Zouabi.
Uyu munya-Tunisie, yasinye amasezerano y’imyaka ibiri ndetse ahita atangira akazi ko gukomeza ikipe y’Igihugu ikomeje kwitegura Igikombe cya Afurika kizabera i Kigali muri Mutarama 2026. Iri rushanwa biteganyijwe ko rizaba ku matariki 21-31 Mutarama umwaka utaha.
Uretse gutoza ikipe y’Igihugu y’abagabo, Hafedh Zouabi yanahawe inshingano zo gutoza iy’abagore. Imyitozo itegura neza aba bakinnyi, ikomeje gukorerwa muri Petit Stade i Remera. Ni amakuru yemejwe n’Ishyirahamwe ry’uyu mukino, Ferwahand.
UMUSEKE.RW