Biciye mu matora yahuje abanyamuryango ba Real Madrid, Florentino Pérez yongeye gutorerwa kuyobora iyi kipe kugeza mu 2030.
Aya matora yabaye ku wa 7 Kamena 2026, ahuza abanyamuryango b’iyi kipe y’ikigugu ku Mugabane w’i Burayi.
Pérez yatowe ku majwi 65% mu gihe Enrique Riquelme bari bahanganye yabonye 35%.
Uyu musaza w’imyaka 79, yageze muri iyi kipe muri Kamena mu 2009 nyuma y’uko yari yarayibereye Perezida hagati ya 2000-2006.
Kuva yagera muri Real Madrid, uyu Muyobozi amaze kuyihesha ibikombe 26 birimo birindwi bya Shampiyona n’ibindi birimo ibya UEFA Champions League.
Agitorwa, mu ijambo rye, Pérez yahise atangaza ko arajwe inshinga no kwisubiza ijambo mu marushanwa yo ku Mugabane w’i Burayi arimo UEFA Champions League no gusubirana ijambo muri Shampiyona ya Espagne.
Mbere y’uko atorwa kandi, uyu musaza yari yavuze ko yiteguye kugura umukinnyi wa Miliyoni 150 z’Amayero.
UMUSEKE.RW
