Nyuma yo gutsinda APR HC ibitego 32-27 mu mukino wa nyuma w’irushanwa ryo Kwibuka ku nshuro ya 32 Jenoside yakorewe Abatutsi muri Mata 1994, Police HC ni yo yahise yegukana Igikombe cy’uyu mwaka mu Bagabo mu gihe mu Bagore cyegukanywe na Kiziguro SS yatsinze ESC Nyamagabe.
Imikino y’umunsi wa nyuma w’iri rushanwa ryari ryitabiriwe n’amakipe 14 arimo 12 yo mu Rwanda n’abiri [Ndejje University mu bagabo n’abagore] yaturutse muri Uganda, yabaye ku Cyumweru, tariki ya 7 Kamena 2026 muri Petit Stade i Remera.
Iri rushanwa ryabaye guhera ku wa Gatanu, tariki ya 5 kugeza ku ya 7 Kamena, ryatashye Kacyiru mu kipe y’Abashinzwe Umutekano mu Cyiciro cy’abagabo mu gihe mu Bagore, igikombe cyatashye i Kiziguro nyuma y’uko Kiziguro SSC itsinzi ESC Nyamagabe ibitego 27-26.
Mu mikino ya 1/2, APR HC yari yatsinze Ndejje University yo muri Uganda ibitego 39-28 mu gihe Police HC yari yasezereye PEVIC ku bitego 44-33.
Ikipe y’Abashinzwe Umutekano, ni nayo yari ibitse iki gikombe kuko mu 2024 yari yatsinze UPDF yo muri Uganda ibitego 40-29. Mu 2025 batsindiwe ku mukino wa nyuma na Equity yo muri Kenya ibitego 27-25.
Umukinnyi wa Police HC, Mbesetunguwe Samuel na Iragena Joselyne wa Kiziguro SS, ni bo bahembwe nk’abakinnyi beza b’irushanwa.
Nyuma y’iyi mikino yo Kwibuka ku nshuro ya 32 Jenoside yakorewe Abatutsi mu 1994, barinjira mu mikino ya kamarampaka, aho amakipe ane ya mbere azahura hakavamo itwara igikombe cya Shampiyona.
UMUSEKE.RW
