Ubuyobozi bwa Kiyovu Sports, bwemeje ko Muvunyi Félix uzwi nka ‘Fils’, yagizwe umutoza wungirije muri iyi kipe. Aje gufatanya na Seberera Halilu wari wasimbuye by’agateganyo, Harrison ukomoka mu Bwongereza.
Amakuru yemeza ko Fils yongewe mu kipe nkuru y’Urucaca, yamenyekanye ku mwanya yo kuri uyu wa Gatatu, tariki ya 21 Ukwakira 2026.
Ni nyuma y’uko iyi kipe itandukanye na Mark Simon Harrison ukomoka mu Bwongereza.
Muvunyi usanzwe ari umutoza mukuru w’ingimbi za Kiyovu Sports zitarengeje imyaka 20, yongewe muri iyi kipe ahanini bijyanye n’ibyangombwa afite byo gutoza mu cyiciro cya mbere kuko afite licence B-CAF.
Fils yatoje amakipe arimo Mukura VS yabayemo nk’umutoza wungirije, Vision FC yayibereye umutoza mukuru imyaka myinshi, Miroplast FC yayibereye umutoza mukuru ndetse na Étoile de l’Est FC.
UMUSEKE.RW
