Kimwe mu byaranze imikino y’umunsi wa Kane muri Shampiyona ya Volleyball y’Abagabo, ni ugutsindirwa mu rugo kwa Gisagara VC yatsinzwe na REG VC amaseti 3-2 mu mukino w’injyanamuntu.
Imikino y’umunsi wa Kane muri Volleyball, wabaye ku wa 7 Ugushyingo 2026 muri Gymanasé yo mu Karere ka Gisagara. Uwari uhanzwe, ni uwahuje Gisagara VC yari mu rugo na REG VC.
Iseti ya mbere n’iya kabiri zahuje aya makipe, zatsinzwe na REG VC ku manota 25-22 na 25-19. Abanya-Gisagara bagarutse bariye amavubi ku iseti ya gatatu n’iya kane, bazegukana ku manota 25-23 na 25-25 mu gihe iya kane ya kamarampaka yatashye mu bakora amashanyarazi ku manota 20-18.
APR VC yo yatsinze RP-Ngoma VC amaseti 3-0 mu gihe Police VC yatsindaga KVC amaseti 3-1, Kirehe VC yo yihererana EAUR VC iyitsinda amaseti 3-1.
Nyuma y’iyi mikino y’umunsi wa Kane mu Bagabo, ikipe y’Ingabo yahise ifata umwanya wa mbere n’amanota 11, ikurikirwa na Police VC ifite amanota 10 mu gihe Gisagara VC iri ku mwanya wa gatatu n’amanota umunani. RP-Ngoma VC, ni yo ya nyuma kuko itarabona.
Imikino y’umunsi wa gatanu muri Shampiyona ya Volleyball mu byiciro byombi, iteganyijwe mu mpera z’iki cyumweru i Kigali muri Petit Stade i Remera.
UMUSEKE.RW
