Impuzamashyirahamwe y’Umupira w’Amaguru ku Mugabane wa Afurika, CAF, yasabye u Rwanda kuzakira imikino ya nyuma ya CAF Women’s Champions League 2026.
Ubusanzwe iri rushanwa rikinwa n’amakipe umunani. Aya arimo atandatu ahagarariye uduce dutandukanye (zones) twa CAF, kongeraho iyegukanye igikombe giheruka ndetse n’indi iba ihagarariye Igihugu cyaryakiriye.
Bivuze ko iri rushanwa rikiniwe mu Rwanda, Rayon Sports WFC yahita ibona itike yo kurikina.
Biteganyijwe ko iri rushanwa rizakinwa guhera mu Ugushyingo uyu mwaka.
CAF Women’s Champions League CECAFA Qualifiers 2026 iheruka kubera mu Rwanda, yarangiye Kawempe Muslims Ladies yo muri Uganda, ari yo yegukanye igikombe ndetse ni yo izahagararira agace ka CECAFA.
UMUSEKE.RW
