Ubuyobozi bwa Sunrise FC, bwatangaje ko iyi kipe yamaze gusinyisha Banamwana Camarade nk’umutoza mukuru wayo mu gihe cy’umwaka umwe uri imbere.
Inkuru y’isinya ry’uyu mutoza, yemejwe n’iyi kipe ibicishije ku rukuta rwayo rwa X mu gitondo cyo kuri uyu wa 10 Kamena 2026.
Sunrise FC yavuze ko Banamwana yasinye amasezerano y’umwaka umwe [2026-27].
Camarade yari amaze umwaka umwe n’igice muri Bugesera FC. Mu mwaka ushize w’imikino, uyu mutoza yahesheje iyi kipe kuza ku mwanya wa karindwi.
Uyu mutoza uzwiho kugora amakipe akomeye, yatsindiye izirimo Rayon Sports, Kiyovu Sports, Al-Merrikh SC kuri Stade ya Bugesera.
Si ubwa mbere agiye gukorera mu Ntara y’i Burasirazuba kuko yigeze gutoza Étoile de l’Est mu 2021.
UMUSEKE.RW
