Mu gihe habura igihe kibarirwa ku ntoki ngo irushanwa ‘Esperance Football Tournament 2026’ ritegurwa n’umusifuzi mpuzamahanga, Ishimwe Claude ‘Cucuri’ ritangire, amakipe 16 azarikina, yamaze kumenyekana.
Iri rushanwa rigiye gukinwa ku nshuro ya kabiri, imikino izongera ibere ku kibuga cya Tapis Rouge i Nyamirambo.
Amakipe 16 ari mu matsinda ane, ni yo azaryitabira. Itsinda rya mbere ririmo Golden Generation ibitse igikombe cy’umwaka ushize, Immigration FC, Kalisimbi FC na Sport FC.
Itsinda rya kabiri ririmo Black Mamba, Buja City, Spark Victory na Brésil. Irya gatatu ririmo Dream Line, Future Generation, Naples GV na Native FC mu gihe rya kane ririmo Why FC yahoze ari We Never Know FC, Elite FC, Start Morning na Stella FC.
Uretse amakipe y’abagabo, hazanitabira amakipe ane y’abagore azazamo ubwo irushanwa rizaba rigeze mu mikino ya 1/2.
Biteganyijwe ko iri rushanwa rizatangira tariki ya 13 Kamena 2026 n’ubwo bishobora guhinduka kubera gahunda zishobora kubera ku kibuga cya Tapis Rouge.
UMUSEKE.RW
