Ubuyobozi bwa Al-Ahli Tripoli SC yo muri Libya, bwatangaje ko iyi kipe yamaze gutandukana na myugariro, Manzi Thierry wari uyimazemo imyaka itatu.
Ni amakuru yacishijwe mu itangazo iyi kipe yashyize hanze mu rukerera rwo kuri uyu wa Kane, tariki ya 20 Kanama 2026.
Al-Ahli Tripoli SC, yatangaje ko gutandukana kuri iyi kipe na Manzi Thierry, byaciye mu bwumvikane bw’impande zombi, bakemeranya gusesa amasezerano bari bafitanye.
Mu myaka itatu uyu myugariro w’Amavubi yari amaze muri iyi kipe, yatwaranye nayo ibikombe bitatu bya Shampiyona, bibiri bya Super Coupe na bibiri by’Igikombe cy’Igihugu.
Yari asigaje umwaka umwe ngo amasezerano arangire kuko mu 2025 yari yongereye ay’imyaka ibiri.
UMUSEKE.RW
