Ubuyobozi bwa Rayon Sports, bwatangaje ko iyi kipe yamaze gusinyisha rutahizamu w’umunya-Togo, Antonio Atisson Kodjo watsinze ibitego byinshi muri Shampiyona ya Bénin.
Ni inkuru yemejwe n’iyi kipe yabinyujije ku rukuta rwayo rwa X, kuri uyu wa kabiri, tariki ya 23 Kamena 2026.
Bagize bati “Tunejejwe no gutangaza isinya rya Antonio Atisson Kodjo, rutahizamu watsinze ibitego byinshi [16] muri Ligue 1 ya Bénin muri uyu mwaka w’imikino.
Uyu mukinnyi w’imyaka 27, yasinye amasezerano y’imyaka ibiri izamugeza mu 2028.
Uyu rutahizamu uca ku ruhande, yari umukinnyi wa Damissa FC yo muri Shampiyona ya Bénin [Bénin Ligue 1]. Mu makipe 18 akina muri Shampiyona, iyi Damissa FC yasoje iri ku mwanya wa cyenda.
UMUSEKE.RW
