Mark Doyle wamamaye cyane ubwo yari mu banyamakuru bacye b’Abanyamahanga bagumye mu Rwanda mu gihe cya Jenoside yakorewe Abatutsi mu 1994 , yitabye Imana ku myaka 67 azize uburwayi .
Uyu munyamakuru w’Umwongereza azwi cyane nk’umwe mu banyamakuru bakunze gutangaza inkuru z’intambara muri Afurika mu 1990 na 2000.
Doyle yatangiye gukorera BBC mu 1986, yahabwa gukorera muri Afurika y’Iburasirazuba mu 1993 ndetse aza no gutangaza ko mu Rwanda hari kuba Jenoside .
Ni umwe mu banyamakuru bakoreye mu bihugu byo mu Burengerazuba bwa Afurika mu 1997 na 2000.
Uyu munyamakuru yibukwa cyane nk’umwe mu banyamakuru b’abanyamahanga bacye bagumye mu Rwanda mu gihe cya Jenoside mu 1994, akaza no kwandika ibitabo n’inkuru zigaruka ku butwari bw’uwari mu butumwa bw’amahoro bwa Loni , Kapiteni Mbaye Diagne wo muri Senegal.
Mu 2014, yanditse inkuru ku munya-Senegal Capt Mbaye Diagne, agaruka ku ruhare rwe mu korokora Abatutsi bicwaga muri Jenoside.
Yatangaje inkuru ku ntambara muri Sierra Leone na Liberia.
Doyle yagarutse ku bucanyi bwakoze kuwa 6 Mata 1994, ubwo bwatangiraga mu Mujyi wa Kigali nyuma y’ihanuka ry’indege ry’uwari Perezida w’u Rwanda Juvenali Habyarimana.
Nyuma y’urupfu rwa Doyle, umwanditsi Mukuru w’amakuru yo mu mahanga kuri BBC, Paul Danahar, yavuze ko yari “umuntu w’indashyikirwa,” kimwe n’ umunyamakuru w’umuhanga, w’umunyambaraga n’umunyempuhwe.”
Mu 2004, Doyle yatsindiye igihembo cya mbere mu bihembo bya UN Correspondents Association/UN Foundation ku gice cy’amakuru ye ku nkubiri y’intambara ya Liberiya.
Yabaye umunyamakuru ukora amakuru yo mu mahanga kuri BBC mbere yuko ajya mu kiruhuko cy’izabukuru 2015.
UMUSEKE.RW
