Rwanda: Covid-19 yishe abagore 7 n’abagabo 9 handuye 760

Minisiteri y’ubuzima yatangaje ko icyorezo cya Covid-19 cyahitanye abantu 16 ku munsi umwe mu Rwanda, uyu ni wo mubare munini w’abishwe n’iki cyorezo ku munsi umwe kuva kigeze mu Rwanda.

Abapfuye ni abagore 7 barimo uw’imyaka 91 (Ngororero), 73, 58 (i Rubavu), 61, 36, 19 (i Kigali), na 58 (i Musanze). Abagabo 9 bapfuye barimo uw’imyaka 73, 62, 44 (i Rubavu), 71 (i Ngororero), 69, 35 (i Musanze), 59 (i Nyagatare) na 52, 47 (i Kigali).

Uyu mubare w’abantu 16 bapfuye ku munsi umwe watumye abamaze gupfa bishwe na Covid-19 ku butaka bw’u Rwanda baba 507.

Kuri uyu wa Gatatu abanduye bashya ni 760. Abantu 816 bakize Covid-19 ni bwo bwa mbere muri iyi nkubiri ya kabiri ya Covid-19 hakize umubare w’abantu benshi kuruta abanduye.

Abakirwaye ni 15 325 barimo 67 barembye.

Mu masaha 24 ashiz

Abantu 252,008 bamaze guhabwa doze ya kabiri y’urukingo rwa COVID19 (AstraZeneca) barimo 45 bayihawe uyu munsi.

Minisiteri y’Ubuzima ikomeza gukangurira abaturarwanda kwirinda Covid-19 bubahiriza ingamba zashyizweho, zirimo gukaraba intoki kenshi, kwambara neza agapfukamunwa, guhana intera, kwirinda kujya ahantu hahurira abantu benshi hatari umwuka uhagije no kwisuzumisha kare.