Mu mukino waranzwe n’ishyaka ku mpande zombi ikipe ya APR Fc ibashije kwikura mu Karere ka Rusizi mu mukino w’umunsi wa 26 wa Shampiyona yakiriwemo na Espoire Fc.
Ni umukino wabaye kuri uyu wa 07 Gicurasi 2022 usize APR Fc ikomeje kuyobora urutonde rwa Shampiyona y’u Rwanda.
Ikipe ya APR Fc yasabwaga kubona amanota 3 ikazahura na Kiyovu Sports bahataniye igikombe imeze neza.
Ku munota wa 12 Nizeyimana Djuma yafunguye amazamu ku ruhande rwa APR Fc cyaje kwishyurwa na Mbonyumwami Taiba ku munota wa 41.
Ku munota wa 51 Nshuti Innocent yatsinze igitego cya kabiri ku mupira yari ahawe na Djabel Imanishimwe mu gihe icya gatatu yakinjije ku munota wa 79.
Iminota 90 y’umukino yarangiye ari ibitego 3 bya APR Fc kuri 2 bya Espoire Fc aho ku minota itatu y’inyongera Mbonyumwami Taiba yatsindiye Espoire Fc igitego cya kabiri cyinjiye ku munota wa 92.
Ikipe ya APR Fc ikomeje kuyobora Shampiyona n’amanota 60 mu gihe Kiyovu Sports ifite amanota 56 izatana mu mitwe na Bugesera Fc kuri iki cyumweru.
Ikipe ya Kiyovu Sports nimba ishaka kwegukana igikombe iheruka kera irasabwa gutsinda Bugesera Fc nta kujenjeka ikazahura na APR Fc kuwa 14 Gicurasi 2021 bakiranurwa n’ifirimbi ya nyuma.
MUHIRE DONATIEN i Rusizi
