Ibicishije ku mbuga nkoranyambaga za yo, ikipe ya Gasogi United yerekanye imyambaro izakoresha muri uyu mwaka w’imikino 2022/2023, iriho ibirango by’Umujyi wa Kigali nk’umufatanyabikorwa mushya w’iyi kipe.
Mu minsi ishize, Umuyobozi w’Umujyi wa Kigali, Rubingisa Pudence, yahamije ko mu makipe bafitanye imikoranire harimo na Gasogi United.
Mu kubishimangira, ikipe ya Gasogi United yahamije ko imyambara izambara hazaba harimo ibirango by’Umujyi wa Kigali mu rwego rwo kurushaho kumenyekanisha Umujyi.
Iyi kipe izambara imyenda yiganjemo amabara y’umweru, orange, umukara n’umuhondo.
Gasogi United izatangirira shampiyona kuri Mukura VS i Kigali.
UMUSEKE.RW
