Amakuru UMUSEKE wamenye ni uko ubwo imvura yagwaga saa Saba (13h00) umuturanyi w’uyu nyakwigendera yabonye imvura iguye abona umukecuru ntiyanuye inkwi,ajyayo ahamagaye abura uwitaba ,abona harakinguye asunitse urugi rwo mucyumba abona yamaze gushiramo umwuka nawe ahita atabaza.
Inzu y’uwo mukecuru yasanzwe yibwemo ibikoresho birimo imyenda ye n’iy’umwuzukuru we kandi afite ibikomere ku mubiri.
Umunyamabanga Nshingwabikorwa w’Umurenge wa Busoro, Niwemwana Immacule, yabwiwe UMUSEKE ko nta byinshi yabivugaho gusa aduhamiriza ko yahise ajyanwa ku Bitaro bya Nyanza.
Yagize ati” Ayo makuru nta byinshi nayatangazaho , urupfu rwabayeho, mwabaza RIB. Umurambo wajyanywe gusuzumwa iNyanza.”
Kugeza ubu ntiharamenyekana impamvu y’urwo rupfu. Ariko harakekekwa ko byakozwe n’abagizi ba nabi.