Uwari umutoza wungirije mu ikipe ya Police FC, Kirasa Alain yamaze gutandukana n’iyi kipe yari amazemo imyaka ibiri.
Uyu mutoza wayijemo mu 2021 akabanza kungiriza Frank Nuttal ukomoka mu Bwami bw’u Bwongereza, undi mwaka yari awumaze yungirije Mashami Vincent babanye mu Amavubi.
Kirasa Alain abicishije ku rukuta rwe rwa Facebook, yavuze ko byari ibihe byiza byo gukorera muri iyi kipe y’abashinzwe umutekano yari amazemo imyaka ibiri.
Uyu mutoza wamaze kuyisezera, aravugwa muri Gasogi United yabayemo mu 2021. Yatoje Heroes FC, Kiyovu Sports ndetse anungiriza mu ikipe y’Igihugu y’u Rwanda y’umupira w’amaguru, Amavubi.
Kirasa aherutse kubona Licence B CAF yakuye mu gihugu cya Tanzania. Bisobanuye ko yemerewe gutoza nk’umutoza mukuru.
UMUSEKE.RW