Ishyirahamwe ry’Umupira w’Amaguru mu Rwanda, Ferwafa, ryamaze kumenyesha Abanyamuryango ba ryo, igihe bazatangirira gukina irushanwa ry’Igikombe cy’Amahoro.
Nyuma yo gutangaza uko tombola yagenze, hari hakurikiyeho gutangaza ingengabihe y’imikino ibanza n’iyo kwishyura mu ijonjora ry’ibanze.
Ferwafa yatangaje ko imikino ibanza izakinwa tariki ya 20 Ukuboza 2023, iyo kwishyura izakinwe tariki ya 27-28 Ukuboza uyu mwaka.
Nyuma y’imikino yombi, ni bwo hazakorwa indi tombola y’uko amakipe azaba yakomeje azahura n’ayandi atarakinnye imikino y’ijonjora ry’ibanze.
Amakipe ataraciye mu ijonjora ry’ibanze, arimo: Kiyovu Sports, APR FC, Rayon Sports, Mukura VS, Musanze FC, Marines FC, Police FC na Muhazi United.
HABIMANA SADI/UMUSEKE.RW