Nyakubahwa Perezida wa Repubulika Paul Kagame akaba n’Umugaba w’Ingabo w’Ikirenga yazamuye mu ntera abasirikare 727 bo mu Ngabo z’u Rwanda barimo n’abo ku rwego rw’abagenerali.
Mu itangazo ryatangajwe mu gitondo cyo kuri uyu wa kabiri tariki 19 Ukuboza 2023 rinyujijwe ku rukuta rwa X ya Minisiteri y’Ingabo, ryavugaga ko Nyakubahwa Perezida wa Repubulika Paul Kagame yazamuye mu ntera abasirikare bari mu byiciro bitandukanye harimo n’abahawe ipeti rya Major General n’ubwo nta mazina yabo ryerekanana.
Muri iri tangazo hagaragayemo ko Abasirikare 4 bari ku rwego rwa Brig General bazamuwe bakaba ba Major General, Aba Colonels 17 bahawe Brig General naho Aba Lieutenant Colonel 83 bagira ba Colonels.
Rikomeza kandi ryerekana ko ba Majors 98 bagizwe ba Lieutenant Colonel naho ba Captains 295 bagirwa ba Majors. Ba Lieutenant 4 bahawe ipeti rya captain, abandi basirikare bato bari ku rwego rwa Non Commissioned Officers 226 bahabwa irya Second Lieutenant. Usibye mu bihe byihariye abasirikare benshi gutya baherukaga kuzamurwa mu ntera umwa ushize.
JANVIERE NYIRANDIKUBWIMANA
