Umukinnyi w’ikipe y’igihugu ya Volleyball na REG VC, Muvara Ronald, yambitse impeta ya fiançailles umukunzi we, Umuhoza Mariam, amusaba kuzamubera umugore w’isezerano.
Uyu muhango wabaye ku Cyumweru tariki ya 14 Mutarama 2024, witabirwa n’inshuti za hafi z’aba bombi.
Ubwo Muvara yari yasohokanye na Mariam, yahise anamusaba kuzamubera umugore w’isezerano, maze undi abimwerera atazuyaje.
Urukundo rwa Rashford nk’uko bakunda kumwita ndetse na Mariam, rwatangiye mu 2013-2017 ubwo nombi biganaga mu mashuri yisumbuye ku Kigo cya Rusumo High School mu Ntara y’i Burasirazuba mu Karere ka Kirehe.
Muvara w’imyaka 28, ubu ni umukinnyi wa REG VC ariko yakiniye APR VC kugeza 2019 ubwo yahitaga ajya muri Gisagara VC ayikinira kugeza 2022. Ni umukinnyi kandi w’ikipe y’Igihugu ya Volleyball.
HABIMANA SADI/UMUSEKE.RW