Urukiko Rwisumbuye rwa Nyarugenge rwongeye gusubika ku nshuro ya kabiri urubanza ruregwamo Kazungu Dennis ukurikiranyweho ibyaha birimo ubwicanyi.
Urubanza rwe rwari ruteganyijwe kuri uyu wa Gatanu tariki ya 12 Mutarama 2024,rwasubitswe biturutse ku nzitizi zatanzwe n’abunganira uregwa z’uko batinze kubona dosiye.
Tariki ya 5 Mutarama 2024,rwari rwasubitswe biturutse ku busabe bw’Ubushinjacyaha kuko yari afite imanza ebyiri basaba ko zahuzwa.
Kuri iyi nshuro Kazungu ntabwo yagaragaye mu rukiko gusa yari ahagarariwe n’umunyamategeko we Me Murangwa Faustin.
Umunyamategeko wa Kazungu yabwiye urukiko ko yabonye dosiye tariki ya 9 Mutarama 2024, bityo bitewe n’uburebure bwa dosiye akeneye umwanya kugira ngo ayisome.
Ku ruhande rw’ubushinjacyaha ndetse n’uruhande rw’uregwa bagiye impaka kuri iyi ngingo.
Urukiko rwategetse ko uru rubanza rusubikwa, rukazasubukurwa tariki ya 2 Gashyantare 2024.
Kazungu Dennis uri gukurikiranwa mu nkiko aregwa ibyaha birimo ubwicanyi bw’abantu bagera kuri 14 yarezwe n’urundi rubanza rwo gusambanya umugore ku ngufu.
Ni urubanza rwaregewe Urukiko Rwisumbuye rwa Nyarugenge mu Ukwakira 2023, aho umwe mu bafashwe ku ngufu na Kazungu yamureze ndetse akaba anasaba indishyi muri uru rubanza.
- Advertisement -
ISESENGURA
UMUSEKE.RW
