Ikipe ya APR Women Basketball Club, yatsinze REG Women Basketball Club amanota 72-59, ihita yegukana igikombe cya Rwanda Cup 2024.
Umukino wa nyuma wa Rwanda Cup y’uyu mwaka mu Bagore, wabaye ku wa Gatanu tariki ya 20 Nzeri 2024, ubera muri BK Arena. Abakunzi ba Basket nk’ibisanzwe, bari benshi, cyane ko hari hanategerejwe kumenya ikipe itsinda umukino wa Gatanu wa kamarampaka mu Bagabo hagati ya Patriots BBC na APR BBC.
Ikipe ya APR WBBC yabaye nziza mu duce tubiri twa mbere ari na two twayihesheje iki gikombe. Agace ka mbere yagatsinze ku manota 28-9, aka kabiri igatsinda ku manota 22-12, aka gatatu iragatsindwa ku manota 14-25 mu gihe aka kane na ko yagatsinzwe ku manota 12-13.
Gutsinda uduce tubiri twa mbere kandi ku manota menshi, byatumye APR WBBC yegukana Rwanda Cup 2024 nyuma yo gutsinda REG WBBC amanota 72-59.
UMUSEKE.RW