Ubuyobozi bw’Ishyirahamwe ry’Umukino wa Boccia ukinwa n’Abafite Ubumuga bukomatanyije burimo ubwo mu mutwe n’ubw’ingingo, bwatangaje ko shampiyona y’uyu mwaka w’imikino 2024-25, izatangira mu kwezi gutaha.
Mu gihe umwaka w’imikino 2024-25 watangiye mu mikino itandukanye, no mu bafite Ubumuga bakomeje kwitegura mu buryo butandukanye. Mu mukino wa Boccia ho, biteguye gutangira umwaka w’imikino 2024-25 tariki ya 5 Ukwakira.
Ibi byatangajwe na Perezida w’Ishyirahamwe ry’uyu mukino mu Rwanda, Sekarema Jean Paul. Uyu muyobozi yanavuze ko iyi shampiyona izakininwa mu byiciro bine [Phases], izarangire tariki ya 23 Ukuboza 2024.
Kugeza ubu mu Rwanda hari aban barengaa 230 bafite Ubumuga bubemerera gukina umukino wa Boccia.
Mu mwaka ushize w’imikino 2023-24, ikipe ihagararira Akarere ka Musanze, ni yo yegukanye igikombe cya shampiyona mu bagabo. Yari inshuro ya kabiri yikurikiranya, aka Karere kacyegukana.
UMUSEKE.RW