Nyuma ya tombola y’amatsinda ane y’irushanwa Nyafurika rihuza amakipe yegukanye ibikombe iwayo, CAF Confederation Cup, ikipe ya Simba SC yo muri Tanzania, yisanze mu itsinda ririmo CS Sfaxien yo muri Tunisie.
Kuri uyu wa mbere ni bwo habaye tombola y’uko amakipe agomba gushyirwa mu matsinda mu marushanwa Nyafurika ya CAF Confederation Cup 2024-25. Ni amakipe 16 yashyizwe mu matsinda ane.
Ikipe ya Simba SC yasezereye Al Ahli Tripoli yo muri Libya, yisanze mu itsinda rya Mbere ririmo CS Sfaxien yo muri Tunisie, CS Constantine yo muri Algérie na FC Bravos do Maquis.
Itsinda rya Kabiri ririmo RS Berkane yo muri Maroc, Stade Malien yo muri Mali, Stellenbosch yo muri Afurika y’Epfo na CD Lundal Sul yo muri Angola. Irya Gatatu ririmo USM Alger yo muri Algérie, ASEC Mimosas yo muri Côte d’Ivoire, ASC Jaraaf yo muri Ghana na Orapa United yo muri Nigeria.
Itsinda rya Kane ryo ririmo Zamalek SC yo mu Misiri, Al Masry SC yo mu Misiri, Enyimba FC yo muri Nigeria na A.Black Bulls.
UMUSEKE.RW
UMUSEKE.RW