AFC/M23 yashyizeho abayobozi b’Intara ya Kivu y’Epfo

AFC/M23 ivuga yagize BIRATO RWIHIMBA Emmanuel Guverineri w’Intara ya Kivu y’Epfo

Ihuriro AFC/M23 yatangaje ko yashyizeho Guverineri na n’abungirije guverineri w’Intara ya Kivu y’Epfo nyuma y’inama yabereye mu Mujyi wa Bukavu ikaza gusozwa inaturikijwemo ibisasu.

AFC/M23 ivuga ko ishingiye ku cyemezo cyafashwe kuwa 28 Gashyantare 2025, hashyizweho guverineri n’abungirije guverineri w’Intara ya Kivu y’Epfo.

Mu itango AFC/M23 yibutsa ko MRDP –Twirwaneho yamaze kwiyunga kuri iri huriro.

AFC/M23 ivuga yagize BIRATO RWIHIMBA Emmanuel Guverineri w’Intara ya Kivu y’Epfo. Uyu mugabo bivugwa ko ari umucuruzi uzwi muri Kivu y’Amajyepfo.

Uwitwa DUNIA MASUMBUKO BWENGE yagizwe Visi Guverineri w’intara ya Kivu y’Epfo ushinzwe Politiki, inzego z’ubuyobozi ,ubucamanza na Politiki.

GISHINGE GASINZIRA Juvénal yagizwe Visi guverineri ushinzwe ubukungu imari n’iterambere.

M23 imaze ibyumweru bibiri ifashe Umujyi wa Bukavu na Kamanyola byo mu Ntara ya Kivu y’Epfo.

AFC/M23 imaze kwigarurira uduce dutandukanye tw’Intara ya Kivu ya Ruguru n’iy’Epfo mu Burasirazuba bwa Congo.

Iri huriro rishyizeho abayobozi mu gihe inama yari itegerejwe i Harere muri Zimbabwe igamije kwiga ibibera muri Congo, yari ku rwego rwa ba Minisitiri b’ububanyi n’Amahanga b’Imiryango ya EAC na SADC itabaye.