Kalisa Adolphe wigeze kuba Umunyamabanga Mukuru w’ikipe ya APR FC, yahawe umwanya w’Umunyamaganga Mukuru w’Ishyirahamwe Nyarwanda ry’Umupira w’Amaguru, Ferwafa.
Aya makuru yemejwe n’ubuyobozi bwa Ferwafa, bubicishije ku mbuga nkoranyambaga.
Bagize bati “Komite Nyobozi ya Ferwafa, mu nama yayo yateranye kuri uyu wa 7 Kanama yemeje Bwana Kalisa Adolphe ku mwanya w’Umunyamabanga Mukuru wa Ferwafa.”
Kalisa uzwi nka Camarade, yabaye Umunyamabanga Mukuru w’ikipe y’Ingabo igihe kirekire. Ubu yari Perezida wa Komisiyo y’Amatora muri iri shyirahamwe.
Uyu mwanya awusimbuyeho, Muhire Henry wahoze muri Komite Nyobozi icyuye igihe yasimbuwe n’iya Munyantwali Alphonse.
HABIMANA SADI/UMUSEKE.RW
