Nyuma yo gusezerera Xabi Alonso, ikipe ya Real Madrid yagaruye José Mourinho wayivuyemo mu 2013.
José Mourinho wari umaze umwaka umwe muri Fenerbahçe yo muri Turquie, yari amaze iminsi mu biganiro bimusubiza gukorera akazi muri Espagne.
N’ubwo Raal Madrid itarabitangaza, bivugwa ko uyu munya-Portugal yasinye amasezerano y’imyaka ibiri igisigaye ari ukubitangaza.
Umunyamakuru uri mu bakomeye ku Isi mu kumenya amakuru y’abatoza n’abakinnyi baba bahinduye amakipe, Fabrizio Romano, yemeje ko Mourinho yamaze gushyira umukono ku masezerano y’iyi kipe.
Mbere yo gutandukana na Real Madrid mu 2013, Mourinho yayisigiye igikombe cya Shampiyona yatwaye mu 2011-2012.
Akiva muri iyi kipe y’ubukombe ku Mugabane w’u Burayi, uyu mutoza yahise yerekeza muri Chelsea yo mu Bwongereza ndetse icyo gihe yabaye umutoza wa Gatanu wegukanye ibikombe bya Shampiyona mu bihugu bine bitandukanye.
UMUSEKE.RW
