Minisiteri y’Ubuzima muri Repubulika Iharanira Demokarasi ya Congo yatangaje ko abantu bamaze kwandura icyorezo cya Ebola cyo mu bwoko bwa Bundibugyo kugeza ku wa 12 Nyakanga 2026 bageze ku 1,926, mu gihe 702 bishwe nacyo.
Mu itangazo iyi Minisiteri yashyize hanze yavuze ko ubu Ebola iri mu Ntara eshanu zirimo; Ituri, Kivu y’Amajyepfo, Kivu y’Amajyaruguru, Haut-Uélé n’Intara ya Tshopo.
Abantu 753 bari mu bitaro aho bitabwaho n’abaganga. Inzego z’ubuzima muri Congo zivuga ko ubu zibasha gukurikirana 78.3% by’aho bacyeka Ebola cyangwa abo bakeka ko bahuye n’abanduye Ebola.
Ebola iri muri Repubulika ubu ni ikibazo gihangayikishije Isi nk’uko Ishami ry’Umuryango w’Abibumbye ryita ku Buzima (OMS) ryabyemeje.
Nta muti cyangwa urukiko biremezwa ko bivura iyi virusi yo mu bwoko bwa Bundibugyo igiye kumara amezi abiri itahuwe ko iri mu bantu.
Leta zunze Ubumwe za Amerika ziherutse gutanga umuti uri mu igeragezwa ngo ube wakwifashishwa mu kuvura abarwayi.
MUGIRANEZA THIERRY/ UMUSEKE.RW
