Nibura abantu 41 byemejwe ko bapfuye abandi 49 baburirwa iremgero nyuma y’uko ubwato bwari butwaye abarenga 100 buvuye muri Tanzania burohamye mu kiyaga cya Tanganyika ku ruhande rwa Repubulika Iharanira Demokarasi ya Congo.
Ubu bwato bwavaga i Kigoma muri Tanzania bugana mu Mujyi wa Kalemie mu Ntara ya Tanganyika muri Repubulika Iharanira Demokarasi ya Congo.
Norris Mulongoyi ushinzwe ubwikorezi mu Ntara Tanganyika yabwiye ikinyamakuru Associated Press ko ubu bwato bwari butwaye abantu barenga 100 n’imizigo irenga toni 500 irimo n’imodoka enye, bikaba byari mu ijoro rishyira ku wa Kane wa tariki 24 Nzeri 2026.
Yavuze ko bamaze kubarura abantu 41 bapfuye n’abandi 49 batabawe ko ariko batazi icyateye impanuka niba ari ukuba ubwato bwari butwaye ibirengeje ubushobozi bwabwo cyangwa niba ari ikindi.
