Byamungu Abbas usanzwe ari kapiteni w’ikipe y’umupira w’amaguru y’Ikigo cy’Igihugu cy’Ubuzima, RBC, yasabye anakwa umukunzi we, Mutakwampuhwe Brigitte usanzwe ari umutoza wa RBC WVC.
Imihango y’ubukwe bw’aba bombi, yabaye ku wa Gatandatu, tariki ya 1 Kanama 2026, ibera kuri Sports-Park yahoze ari Sports-View.
Nyuma y’imyaka itandatu Byamungu ari mu rukundo na Brigitte, bombi bemeranyije kubana nk’umugore n’umugabo byemewe n’amategeko.
Uretse kuba aba bombi umwe ari umukinnyi wa ruhago undi ari umutoza wa Volleyball, banasanzwe ari abakozi ba RBC mu buryo buhoraho.
Abbas si izina rishya muri ruhago y’u Rwanda, kuko yazamukiye muri Dream Team Academy, akinira amakipe arimo Etincelles FC ubwo yabonaga itike ya CAF Confederation Cup, AS Kigali na Gicumbi FC yasorejemo gukina nk’uwabigize umwuga mbere yo kujya muri Shampiyona z’Abakozi.
Ari kumwe na RBC FC, Byamungu amaze kwegukana ibikombe byinshi birimo ibya Shampiyona, ibyo Kwibuka ku nshuro ya […] Jenoside yakorewe Abatutsi, Super Coupe n’ibindi.
Mutakwampuhwe nawe ni izina rinini muri Volleyball y’u Rwanda, cyane ko yakiniye APR WVC imyaka myinshi.
UMUSEKE.RW
