Mbere y’uko hatangira umwaka w’imikino 2026-27, ikipe ya Kiyovu Sports yagaragaje imyambaro izifashisha mu marushanwa ategurwa n’Ishyirahamwe rya Ruhago mu Rwanda ndetse na Rwanda Premier League.
Ni imyambaro yashyizwe hanze kuwa Kane, tariki ya 3 Nzeri 2026 biciye ku mbuga nkoranyambaga zayo.
Umwambaro wo mu rugo, wiganjemo icyatsi kinshi n’umweru muke mu gihe uwo hanze wiganjemo umweru mwinshi n’icyatsi gike.
Kiyovu Sports igiye gutangira Shampiyona iri mu byishimo byo kwegukana Igikombe kiruta ibindi mu Rwanda (Super Coupe 2026).
Urucaca ruzatangira rwakira Gorilla FC ejo Saa Cyenda z’amanywa kuri Kigali Pelé Stadium.
Uretse Kiyovu Sports, andi makipe yagaragaje imyambaro izifashisha uyu mwaka, ni Rayon Sports na Gasogi United.
UMUSEKE.RW
