Minisitiri w’Intebe wa Israel Benjamin Netanyahu yahaye ikaze Perezida wa Repubulika ya Demokarasi ya Congo i Jerusalem kuri uyu wa Kabiri.
Mario Nawfal ukora isesengura ku bibera mu Burasirazuba bwo Hagati asanga urugendo rwa Tshisekedi rugamije gushaka imbunda, no kubaka ubucuti hagati y’ibihugu byombi.
Félix Tshisekedi yasubiye muri Israel yaherukaga mu buryo buzwi mu kwezi k’Ukwakira 2021.
Kuri uyu wa Kabiri tariki 01 Nzeri 2026, ni uruzinduko rwa kabiri Perezida Antoine Felix Tshisekedi yagiriye muri Israel.
Amashusho yagiye ahagaragara, Minisitiri w’Intebe wa Israel, Benjamin Netanyahu, yavuze ko yishimiye “kwakira inshuti nziza, Perezida wa Congo”.
Yavuze ko amwifurije ikaze i Jerusalem, ndetse bahana ibiganza.
Netanyahu yavuze ko umubano ari mwiza kandi bakomeza kuwushimangira kurushaho.
Mario Nawfal ukora isesengura ku bibera mu Burasirazuba bwo Hagati avuga ko Congo ifite amabuye y’agaciro nka cobalt na coltan, ndetse n’intambara iri kure kugira ngo irangire, naho Israel ikagira indege zitagira abapilote (drones), ndetse n’inganda nyinshi bityo ikaba ikeneye abafatanyabikorwa bo ku mugabane wa Africa.
Kinshasa irashaka umufatanyabikorwa mu birombe byayo n’intambara zitoroshye ihoramo, mu gihe Jerusalem ishaka inshuti ikuraho amabuye n’amafaranga.
Israel na Repubulika Iharanira Demokarasi ya Congo (DRC) bifitanye umubano wa dipolomasi ukomeye, kandi ubu birimo kwagura ubufatanye mu by’umutekano, ikoranabuhanga n’iterambere ry’ubukungu.
UMUSEKE.RW
